Ti pe mi

Ti pe mi, cioè tu per me. Si avvicina la primavera e questo ragazzo canta così alla sua fiamma:
Tu, per me, sei la più bella ragazza
tu, per me, sei sempre una visione nuova
è per te che non penso più alla scuola
è per te che la testa mi gira come una ruota.

Potete ascoltarlo cliccando sul collegamento che trovate nella colonna di destra nella rubrica "L'audio del mese".

Ti pe mi
Dau barcun sutt'á terrassa ti t'avansi ogni mattin,
tra duí vazi de geranni che te sfiuran ciancianin,
duí geranni sempre verdi pin de fiuri rusci e fin
che s'accòstan ae tø uege cumme físan di pendin
di pendin á fiamme vive cumme quelle di rûbin
e che pá píggian ciû føgu de sentise á ti vixin.

Ti pe mi, t'é a ciû bella figgiøa
ti pe mi, sempre t'é a vixun nøa
l'é pe ti che ciû nu pensu aa scøa
l'é pe ti che a testa a me fa røa.

Mi t'aggueitu e gíu pea stánsia cumme fa u picciun daa grunda
quarche votta poi me fermu pe ammiate daa toa riunda
daa toa riunda la intu cantu ch'a l'é pinn-a de vulûmmi
de quadderni, dissiunai e de atri muccalûmmi
tûtta sciensa che, á dí u veu, a nu va ûn tø surrizu:
le a nu spegia che chí a tæra, ti ti spegi u paradizu.

Ti pe mi, t'é a ciû bella figgiøa
ti pe mi, sempre t'é a vixun nøa
l'é pe ti che ciû nu pensu aa scøa
l'é pe ti che a testa a me fa røa.