La fiera di Sant'Agata

Questo è il testo della filastrocca cantata da Marzari che potete trovare nell'audio del mese nella colonna destra del blog
Pe'na vegia tradissiun- quand'arriva Sant'Agaa- u l'é tûttu ûn baraccun- lungu a stradda e insciu ciassá.- Ricurdæ, cangiandu caza,- quante roba ch'ei cacciou- ammûggiaa oa a l'intaza- tûtti i banchi du mercou.- Tende vege repessæ- e curnixi scamuræ,- d'e cassoule arrûzenie- rattaiêu, candé, boxie,- ûn interu assurtimentu- de vestii du setteçentu,- scarpe vege, uoze, ghette,- di scosæ, d'e piccagette,- maxinin, feri da stiá,- di balluin ancun da insciá,- ûnna stûffa á gaz mettanu,- pappagalli de Muranu,- purpezzuei, canne, salai,- pultruncinn-e, lampadai,- cose antighe, cose strambe,- scambeletti cun træ gambe,- burse in pelle, portafêuggi,- d'e grattænn-e sensa bêuggi,- ma stæ attenti a vostra pelle,- merce in tæra, prexi ae stelle,- cunche, vazi, peteninn-e,- pagliericci, letti e chinn-e,- lûmmi asmorti, paralûmmi,- di flacuin sensa prufûmmi,- batterie, corni, trumbuin,- portavazi e ghirinduin,- stilli, sciabbre, baiunette,- vegi scciêuppi cue cannette,- vie, stacchette, daddi e cioi,- ûn cappellu da cui-boi,- quarche brocca, pæte, tundi,- 'na perrûcca de pei biundi,- di basighi, fiuri finti,- banse, quaddri, lauri, cinti,- quarche oxellu fêua d'a gaggia,- o sedunque pin de paggia,- tûttu questu puei truvá- inscia fea de Sant'Agaa,- annæ á vedde quande vuei,- de duménnega o d'êuvei,- nu stæ á dí: "Mi nu n'accattu",- ai dinæ nu stæ attaccæ,- e ciû votte anche ûn ravattu- u pêu avei ûnn'ûttilitæ.- Inte questu campiunáiu- pêu anche dase ch'attruvæ- ûn ricordu du messiau- o, magari, de sêu muæ.- Tra i radûni d'arte e sciense- e i cungressi a lietu fin- fra cuncerti e cunferense- viva a fea di repessin!